poema de fran alonso

EN TODAS AS CIDADES HAI HISTORIAS QUE CONTAR.
NA MIÑA, PODERÍA CONTARVOS
A HISTORIA DUN TOLO TRISTE,
QUE SE AMARRA CUNHA CORDA AOS SEMÁFOROS
E FALA CON ELES.
OS DOMINGOS DILLE A TODO O MUNDO
QUE MARCHA DE VIAXE.
E VAI À ESTACIÓN
A VER SAÍR O TREN ,
E LOGO VOLVE AO SEMÁFORO
A CONVERSAR.
BARTOLO É UN TRISTE TOLO,
UN TOLO LOUCO SEMAFÓRICO.
CANDO LLE FALAS PONSE COLORADO.
CANDO CHE FALA PONSE VERDE.
CANDO CONVERSA CO SEMÁFORO PÓÑENSELLE
OLLOS LARANXA INTERMITENTE , OLLOS
DE BARTOLO,O TOLO.

FRAN ALONSO.