MULLERES:Olimpia Valencia López

(Baltar (Ourense), 1898- Vigo, 1987)
Era xinecóloga ourensá; a súa vida presenta un caso singular e significativo á vez da incorporación da muller ao eido académico e profesional no primeiro terzo do século XX en España, avance interrompido polo alzamento militar do 36.

No ano 1918 iniciou os seus estudos de medicina obtendo o grao de licenciada en medicina e ciruxía no ano 1925. Trasladouse entón a Madrid, onde se especializou en xinecoloxía.

En Febreiro de 1928 volve a Vigo, chegando a ser unha profesional de recoñecido prestixio na cidade, a pesardos atrancos iniciais que tivo que superar pola súa condición de muller.

Acusada de pertencer ao Partido Galeguista e de ter trato con xente de esquerdas, en Febreiro de 1937 foi detida e estivo presa catro días. Os anos seguintes foron de gran dureza: acusada de `roja´, moitas persoas deixaron de ir a súa consulta.

A guerra e o franquismo fixeron que esta muller vivise retirada e centrada na vida familiar e na súa profesión. Olimpia seguiu a traballar con máis de 80 anos na súa consulta particular. Foi recoñecida sempre pola súa elegancia persoal, discreción e calidade humana.


Jessica e Sara